“சுவர் இருந்தால் தான் சித்திரம் வரைய முடியும்” என்பதற்கேற்ப நமது உடல் நோயற்று இருப்பதே பெரிய வரமாகும். அதற்கேற்ப இன்றைய காலகட்டத்தில் ஆங்கில வழி மருந்துகள் உட்கொள்வதால் நோய் சரியாகும். ஆனால் மீண்டும் அதே நோய் திரும்ப வரும். மேலும் பக்க விளைவுகள் வந்து பக்கத்தில் பல வியாதிகளையும் அழைத்து வந்து விடுகிறது. ஆனால் பண்டைய கால சித்த மருத்துவத்தில் நம் உடம்பில் உள்ள ஒரு நோய்க்கு நாம் மருந்து உட்கொண்டால் நமது உடலில் நமக்கு தெரியாமல் இருக்கும் பல பிரச்சினைகளை அது சரிசெய்து விடுகிறது. மீண்டும் அந்த நோய் வாழ் நாள் முழுவதும் திரும்ப வராது. எனவே சித்த மருத்துவத்தின் மகத்துவத்தை எடுத்துக்கூறும் வகையில் நமது கிராமத்தில் மக்களுக்கு விழிப்புணர்வு ஏற்படுத்தப்படுகிறது. நமது முன்னோர்களின் ஆரோக்கிய வாழ்க்கை முறையை திரும்ப நினைவுபடுத்தும் விழிப்புணர்வு முகாம் நடத்தப்படுகிறது.

முதியோர்களுக்கு கை, கால், மூட்டுவலி எண்ணெய் வழங்குதல், சளி, இருமல் மருந்து, நோய் எதிர்ப்புசக்தி மருந்து, உடல்நலத்தை பாதுகாக்கும் உணவு, ஆலோசனை வழங்கப்பட்டுள்ளது. பல கிராமங்களில் 2000க்கும் மேற்பட்டோர் பயனடைந்துள்ளனர்.

சாமுவேந்தர் அறக்கட்டளை சார்பில் யோகா குறித்த விழிப்புணர்வு முகாமில், யோகா செய்வதன் மூலம் ஏற்படும் நன்மைகள் குறித்தும், மன அமைதி ஏற்படுவது, இறைத்தன்மையை உணர்வது , உடல் நலத்தில் முன்னேற்றம் ஏற்படுவது குறித்து விழிப்புணர்வு ஏற்படுத்தப்படுகின்றது. முகாமில் பெண்களுக்கான சிறப்பு விழிப்புணர்வு ஏற்படுத்தப்படுகிறது.

கண்மாய், குளம் போன்ற பகுதியில் மண்சரிவு ஏற்படாமல் இருக்கவும், நிலத்தடி நீர்மட்டத்தை உயர்த்தும் நோக்கத்தோடு 100 நாள் வேலை திட்டத்தில் பணிபுரியும் ஆட்களை பயன்படுத்தி தூர்வாரும் பணியும், மரக்கன்றுகளை நடுவதன் மூலம் மண்அரிப்பைத் தடுக்கவும் அறக்கட்டளை சார்பில் விழிப்புணர்வு ஏற்படுத்தப்படுகிறது. மேலும் கண்மாய் அருகே மூலிகை செடிகளை பயிரிட்டு வளர்க்க, சம்பந்தப்பட்ட அரசு அலுவலகங்களில் அறக்கட்டளை சார்பில் வலியுறுத்தப்பட்டுள்ளது.

பெண்களுக்கான உடல்நல விழிப்புணர்வு முகாமில் மாதவிடாய் பற்றிய விழிப்புணர்வு, மாதவிடாய் காலங்களில் எப்படி சுத்தத்தை கடைபிடிப்பது, ஊட்டச்சத்து நிரம்பிய சரிவிகித உணவை உண்டு ஆரோக்கியமாக இருப்பது, இரத்தசோகை பிரச்சினைகளை தடுக்கும் இரும்புச்சத்து உள்ள உணவை சாப்பிடுவது, தண்ணீர் தேவையான அளவு குடிப்பது உள்ளிட்ட விஷயங்களை உள்ளடக்கிய முகாம் நடத்தப்படுகின்றது. கீரை, பயறுவகைகள், பால், பழங்கள் மற்றும காய்கறிகள் சாப்பிடுவதன் நோக்கத்தை எடுத்துக்கூறி விழிப்புணர்வு ஏற்படுத்தப்படுகிறது.

கோவிட்-19 பெருந்தொற்றின் விரைவான பரவலைக் கட்டுப்படுத்துவதில் தடுப்பு நடவடிக்கைகள் முக்கிய பங்கு வகிக்கின்றன என்று வலியுறுத்தப்படுகிறது. கோவிட் கட்டுப்பாட்டில் கிராமப்புற மக்களின் முக்கிய நிலையை உணர்ந்து, நோய் பற்றிய கிராமப்புற மக்களின் அறிவு, அணுகுமுறை மற்றும் நடைமுறைகளை உணர்ந்து இந்த விழிப்புணர்வு முகாம் நடத்தப்பட்டது. அறிகுறிகள் தோன்றிய முதல் மூன்று நாட்களில் தொற்றுப் பரவல் வீரியமாக இருக்கும், எனினும் அறிகுறிகள் தோன்றுவதற்கு முன்பும், அறிகுறிகளைக் காட்டாத மக்களிடமிருந்தும் தொற்று பரவுவது சாத்தியமுள்ளது. பொதுவான அறிகுறிகளில் காய்ச்சல், இருமல், சோர்வு, மூச்சுத் திணறல் மற்றும் வாசனை உணர்வு இழப்பு ஆகியவை அடங்கும். நோய் தீவிரமடையும்போது நிமோனியா மற்றும் கடுமையான மூச்சுத்திணறல் ஆகியவை ஏற்படும். கால இடைவெளியானது முதல் ஐந்து நாட்கள் வரை இருக்கும்; சிலநேரங்களில் இரண்டு முதல் பதினான்கு நாட்கள் வரை கூட இருக்கலாம். இத்தொற்றுநோய்க்கு அறியப்பட்ட தடுப்பூசி அல்லது குறிப்பிட்ட வைரஸ் தடுப்பு சிகிச்சை எதுவும் இல்லை. அறிகுறி குறைப்பு சிகிச்சை மற்றும் ஆதரவு சிகிச்சை ஆகியவையே முதன்மை சிகிச்சைகளாக உள்ளன. பரிந்துரைக்கப்பட்ட தடுப்பு நடவடிக்கைகளில் கை கழுவுதல், இருமும்போது ஒருவர் தம் வாயை மூடுவது, மற்றவர்களிடமிருந்து தூரத்தை பராமரித்தல், பொது இடங்களில் முகக்கவசம் அணிவது, தாங்கள் பாதிக்கப்பட்டுள்ளதாக சந்தேகிக்கும் நபர்களைக் கண்காணித்தல் மற்றும் சுய தனிமைப்படுத்துதல் ஆகியவை அடங்கும். மேற்கண்ட தடுப்பு நடவடிக்கைகளைப் பற்றி விரிவாக செயல்விளக்கத்தோடு மக்களுக்குத் விழிப்புணர்வு நடத்தப்பட்டது.

வாழ்க்கைத் தரத்தை மேம்படுத்துவதில் வேலை வாய்ப்புகள் முக்கிய பங்கை வகிக்கின்றன, தயக்கம், முயற்சியின்மை, தொடர்புமொழி, பயிற்சி குறைபாடுகள், அறிவிப்புகள் தெரியாமல் போன்ற பல்வேறு காரணிகள் நம் மக்கள் அந்தப் பணிக்கு செல்லாமல் இருப்பதற்கு காரணங்களாக இருப்பதால், அவை அனைத்தையும் நோக்கோடு சிறப்பான முறையில் விழிப்புணர்வு நடத்தப்பட்டது. பல்வேறு போட்டித் தேர்வுகள் மூலம் தரமான வேலைவாய்ப்பை எதிர்பார்க்கும் இளைஞர்கள், படிக்கும் வழிமுறைகள், சிறப்பாக அதை வெளிக்கொண்டு வெற்றிபெற வைக்கும் வகையில் விழிப்புணர்வு நடத்தப்படுகிறது.